Патша портреті арнайы топтама аясында басып шығарылған, деп баяндады Король ақша сарайының директоры — Энн Джессоп.
«Король ақша сарайы 1100 жылдан астам уақыт бойы Ұлыбритания үшін монета соғып келеді. Монарх ауысқан сайын оның портреті бейнеленген жаңа монета шығарылады. Бастапқыда мұндай монеталар жаңа патшаның түр-келбеті қандай екенін танып-білудің жалғыз жолы болды, өздеріңізге белгілі, ол кезде әлеуметтік желі, баспасөз болған жоқ. Король портреті барлық монетада біртіндеп пайда болады», — деді ол.
Корольдің бұл бейнесі тәж киюге дейін басылған, монарх монетада тәжсіз бейнеленген. Портрет 5 фунт 50 пенс номиналындағы монеталарда болады.
«Король марқұм патшайымның сол жағына, қарама-қарсы жаққа қарайды. Портреттің айналасындағы жазуда: «ІІІ Чарлз, Құдайдың рақымымен патша болды, сенім қорғаушысы» деп жазылған және шыққан күні де көрсетілген. Бұл элементтердің барлығы дәстүрлі», — деп баяндады король ақша сарайы мұражайының директоры Кевин Клэнси.
Жаңа монеталар айналымға шығатын топтама 8 қыркүйекте 96 жасында қайтыс болған II Елизавета патшайымның өмірі мен мұрасына арналған.
Фото: euronews.com
