2022 жылдың қараша айында Қазақстанда 109 мың автокөлік тіркелді. Бұл оның алдыңғы жылмен салыстырғанда 29,3% көп, деп хабарлайды silknews Ұлттық статистика бюросына сілтеме жасап.
Есепке қойылған көліктер арасында жеңіл автомобильдер саны –26,6%, жүк машиналары – 85,9%, автобустар 6% артқан.
Статистикаға сәйкес, өткен жылдың 1 желтоқсанына дейін Қазақстанда жалпы 4 млн 403,6 мың автокөлік тіркелген. Оның ішінде 87,8% — жеңіл автомобильдер, 10,1% — жүк машиналары және 2,1% — автобустар.
Өткен жылдың қаңтар-қараша айлары аралығында ел аумағында 13 407 жол-көлік оқиғасы болды. Салдарынан 19 511 адам зардап шекті. Апаттар саны бір жыл бұрынғы кезеңмен салыстырғанда 9,2% артқан (12 272 жол-көлік оқиғасы, зардап шекті – 17 896 адам). Сақтандыру ұйымдары азаматтардың 84 631 өтініші бойынша 44,9 млрд теңге сомасына төлем жасаған.
