Семейдегі өрт кезінде қаза тапқандар саны 14-ке жетті.
«Абай облысындағы өртті сөндіру жедел штабының мәліметінше, іздеу жұмыстары барысында тағы 11 қаза тапқан адамның денесі табылған. Қаза тапқандардың жеке басы анықталуда», — деп жазды ТЖМ-нан.
Естеріңізге сала кетейік, бұған дейін жоғалған Орман шаруашылығы үш қызметкерінің өлі денесі табылған болатын. Осылайша, қаза тапқандар саны 14-ке жетті.
Айта кетейік, Семей орманында өрттің аумағы 60 мың гектардан асып кеткені хабарланды.
