Бүгін Өңірлік коммуникациялар қызметінде Түркістан облысының білім басқармасы басшысының міндетін уақытша атшарушы Садықова Ардақ Мәдіханқызы БАҚ өкілдеріне брифинг берді.
Облыс бойынша қазіргі таңда 1000 мектеп қызмет етуде. Оның ішінде 907-мемлекеттік, 93-жекеменшік мектеп. 157 мектеп қала аумағында, 843 мектеп ауыл аумағында орналасқан. Оқушы саны — 514 901.
«Білімді ұлт» сапалы білім беру Ұлттық жобасында облыстағы мемлекеттік негізгі және орта білім беру ұйымдарын жаңа модификацияланған физика, химия, биология, STEAM — пәндік кабинеттерімен қамтамасыз етілуде.
2023 жылы 20 жаңа мектепті пайдалануға беру жоспарлануда.
Жаңа оқу жылына дайындықтың негізгі міндеттерің бірі – білім беру ұйымдарын оқулықтармен қамтамасыз ету. Бұл бағытта Түркістан облысында баспалармен келісім шарт жасалды. Ағымдағы жылы оқулықтардың 20 пайызы жаңарады. 213915 кітап жаңартылады.
Сондай-ақ, брифинг барысында “Мектепке жол” акциясы жалғасып жатқаны хабарланды.
Жиында жаңа форматта өтетін “Тамыз” кеңесі туралы мәлімет айтылды. Биыл 24-25 тамыз аралығында республикалық дәстүрлі “Тамыз кеңесі” өтеді.
«Әділетті Қазақстан: сапалы білім, адал ұрпақ, табысты ұлт». Дәл осы тақыпты еліміздің бар аймағында бір күнде, бір уақытта ұйымдастырылады.
Қазақстан Республикасының Оқу-ағарту министрлігі тарапынан Қазақстан Республикасының Президенті Қ.К.Тоқаевтың тапсырмалары аясында білім саласындағы өзекті 20 тақырыптық бағыт («бір өңір – бір бағыт») бойынша еліміздің әрбір өңірінде республикалық тамыз кеңесін өткізу жоспарланған.Түркістан облысында «Тамыз кеңесінің» негізгі баяндамасы «Ұлттық құндылықтарға негізделген тәрбие: біртұтас тәрбие жұмысының бағдарламасы» тақырыбында болады.
