ҚР Сыбайлас жемқорлыққа қарсы іс-қимыл агенттігі Орман шаруашылығы және жануарлар дүниесі комитетінің бірқатар лауазымды тұлғаларының жемқорлық әрекеттері бойынша күдікке ілінгенін жеткізді.
«Шымкент қаласының Сыбайлас жемқорлыққа қарсы қызметі Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің «Сайрам-Өгем мемлекеттік ұлттық табиғи паркі» РМК бас директорына, оның бірқатар бағыныстыларына, сондай-ақ Комитеттің Бухгалтерлік есеп және бюджеттік жоспарлау басқармасының басшысына қатысты алдау және сенімге қиянат жасау, пара беру және алу арқылы өзге мүлікті ұрлады деген күдік бойынша сотқа дейінгі тергеу жүргізеді»,- делінген хабарламада.
Лауазымды тұлғалар ұсталып, уақытша ұстау изоляторына қамауға алынған. Тергеу жалғасуда. Тергеу мүддесі үшін өзге ақпарат жария етуге жатпайды.
Фото ашық дереккөзден
